सातौं विश्वकप (३० मे देखि १७ जुन १९६२, चिली)

तीन महादेशका १६ टिमको सहभागिता 

विजेता : ब्राजिल

काठमाडौं । अघिल्लोपटक नै बनाइएको एउटै महादेशले लगातार विश्वकप आयोजना गर्न नपाउने नियमका कारण यसपटक विश्वकप यरोपभन्दा बाहिर जाने पक्का थियो । 

युरोपमा नहुँदा अमेरिकी महाद्वीपका राष्ट्र स्वाभाविक रुपमा आयोजकका दाबेदार थिए । 

अर्जेन्टिनाले पहिलेदेखि दाबी गरेका कारण उसको सम्भावना थियो । तर, चिली अप्रत्यासित रुपमा अर्जेन्टिनालाई पछि पार्दै विश्वकपको आयोजनाको अधिकार प्राप्त गर्यो । 

अफ्रिका र एसियाका देशहरू छनोट प्रतियोगितामा सहभागी भए पनि युरोप र अमेरिकी महाद्वीपका राष्ट्रमात्र विश्वकपमा छनोट भए । 

चिली आयोजक र ब्राजिल विजेताकोे हैसियतमा स्वतः विश्वकपमा छनोट भए । 

बाँकी १४ मध्ये आठ युरोप, तीन दक्षिण अमेरिका, तीन स्थान अफ्रिका, एसिया, उत्तर अमेरिका तथा मध्य अमेरिका र क्यारेवियन राष्ट्रका लागि छुट्टयाइएको थियो । 

अन्त्यमा युरोपबाट १०, दक्षिण अमेरिकाबाट पाँच, उत्तर अमेरिकाबाट एक राष्ट्र छनोट भएर आए । बुल्गेरिया र कोलम्बियाको पहिलोपटक विश्वकपमा स्थान पक्का गरे ।

यसपटक समूह चरणमा दुई टिमको अंक बराबरी भए गोलअन्तरको आधारमा निर्णय हुने भएको थियो । 

कम गोल खाने टिम अगाडि जान्थ्यो । जसले गर्दा रक्षात्मक रणनीतिले प्रधानता पाएको थियो ।  अघिल्लो विश्वकपबाट उदाएका पेले घाइते भए पनि ब्राजिल उपाधि रक्षा गर्न सफल भयो । 

पेले बेन्चमा ब्रालिका गारिन्चा चम्किए । साथै यस विश्वकपमा फ्रांक पुस्कास पनि उदाए ।  तर, पुस्कासले स्पेनबाट खेलेका थिए । तर, उनले राष्ट्रियता परिवर्तन गरेर हंगेरीबाट खेले । पुस्कास हंगेरीमै जन्मिएका थिए । 

पेले समूह चरणको दोस्रो खेल चेकोस्लोभाकियाविरुद्ध खेल्दा घाइते भएका थिए ।  उक्त खेलमा ब्राजिलले गोलरहित बराबरी खेलेको थियो । 

समूहविजेता बन्दै क्वार्टरफाइनलमा स्थान बनाएको ब्राजिलले फाइनलमा चेकोस्लोभाकियालाई नै ३–१ ले हराउँदै उपाधि रक्षा गरेको थियो । 

इटाली र चिलीबीचको खेल तनावपूर्ण बन्यो । जुन अझै पनि विश्व फुटबलमा ‘ला बाटला दी सान्टियागो’ काण्डले चर्चित छ । 

इटालीका दुई खेलाडी मारियो डेबिड र जर्जियो फेरिनीले रातो कार्डको सामना गरेका थिए । 

डेबिडले रातो कार्डको सामना गरेपछि पनि मैदान छाड्न नमानेपछि पुलिस आएर उनलाई बाहिर ल्याउनु परेको थियो । 
अन्ततः चिलीले उक्त खेल २–० ले जितेको थियो ।  प्रतियोगितामा कुल ३२ खेल भए । जसमा ८९ गोल भएको थियो । 
चिलीले युगोस्लाभियालाई १–० ले हराउँदै तेस्रो स्थान हालिस गर्यो । 

प्रतियोगितामा ६ खेलाडीले समान चार गोल गरे । जसमा ब्राजिलका माने गरिन्चा, भाभा, चिलीका लियोनल सान्चेज हंगरीका फ्लोरियन अल्बर्ट, सोभियत युनियनका भ्यालेन्टिन इभानोभ र युगोस्लाभियाका ड्राजन जर्कोभिच थिए ।